Poslovne vijesti - Makedonija

Македонска анимациска компанија меѓу најуспешните претприемачи во Европа

Македонската компанија за визуелни ефекти и анимација „Фх3х“ е избрана како еден од 20-те примери за успешно претприемаштво годинава во Европа, во конкуренција од над 100 компании.

Наградата за „Нов европски шампион“ беше доделенa на свеченост во Варшава.

Настанот го организира Европскиот форум за претприемачко истражување, чија цел е да се идентификуваат претприемачи од Централна, Источна Европа и од Русија кои постигнале меѓународен развој со примена на иновативни методи.

Директорот и основач на „Фх3х“, Кристијан Данаиловски, вели дека наградата е стимул за натамошната работа на компанијата.